Хитай пичанда хам нефит амбири ясимақчи

Хитай нефит ‏- тәбиий газ ширкити, уйғур елиниң пичан химийә - санаәт районида көлими 8 милйон квадрат метирлиқ хам нефит записи сақлайдиған бир амбар ясашни пилан қилмақта.

Мәркизи агентлиқ пәйшәнбә күни пичан химийә санаәт райониниң мәсулиниң сөзини нәқил кәлтүрүп, мәзкүр нефит записи сақлайдиған амбар үчүн 6 милярд 500 милйон юән мәбләғ селинғанлиқини , игилигән йәр көлими 2600 мо болған бу амбарниң бу йил 6 ‏- айда рәсмий иш башлап келәр йили йил ахирғичә пүтүдиғанлиқини билдүргән.

Хәвәрләргә қариғанда, дөләт дәриҗилик мәзкүр нефит записи амбири қурулуши, хитай енергийә истратегийисидики әһмийәтлик бир қурулуш болуп, хитай йәнә , башқа өлкиләрдә үч чоң нефит амбири қуридиғанлиқини илгири сүрмәктә.

Пичан, уйғур елиниң шәрқигә җайлашқан болуп, хитайниң ғәрбидики нефит записини хитайниң шәрқигә йөткәштә бесип өтидиған муһим қатнаш линийиси һесаблиниду.

Уйғур или, енергийә җәһәттә хитайниң муһим истратегийилик орни болуп, хитай бу райондин чиққан вә қазақистандин тошуп келингән нефитниң тошушқа үлгүрмигәнлирини хам нефит амбарлирида сақлашни пиланлимақта . (Әқидә)