پىچان ئەتراپىدا زەھەرلىك تەبىئىي گاز قېچىش ۋەقەسى يۈز بەردى


2007-08-01
Share

ئۇيغۇر ئېلىدىكى خىتاي خەۋەر تور بەتلىرىدىن ئاشكارىلىنىشىچە،31 - ئىيۇل كۈنى كەچ سائەت 6دىن 10 مىنۇت ئۆتكەندە، 30 توننا سۇيۇقلاندۇرۇلغان تەبىئىي گازنى بېسىپ ، 312 دۆلەتلىك تاش يولىدا ماڭغان بىر يۈك ئاپتوموبىلى پىچانغا ئۈچ كىلومېتىر قالغان ئارىلىقتا بۇزۇلۇپ قېلىپ ، باكتىكى 30 توننا سۇيۇقلاندۇرۇلغان تەبىئىي گاز ئېقىپ كەتكەن.

ۋەقەدىن خەۋەر تاپقان پىچان ھۆكۈمەت دائىرىلىرى زەھەرلىك سۇيۇق گازنىڭ تېخىمۇ ئېغىر ئاقىۋەت ئېلىپ كېلىشىدىن قاتتىق ئەندىشىگە چۈشكەن بولۇپ ، دەرھال مۇتەخەسسىس ، ئۆت ئۆچۈرۈش، ساقچى ھەمدە جىددىي قۇتقۇزۇش خادىملىرىنى نەق مەيدانغا ئەۋەتكەن.

نۆۋەتتە ۋەقە يۈز بەرگەن بىر قانچە كىلومېتىر دائىرىدە قاتناش قامال قىلىنغان بولۇپ ، بەلگىلىك دائىرىدە قاتناش توسۇلۇش كېلىپ چىققان .

ھازىرغىچە بۇ گاز قېچىش ۋەقەسىدە بىرەر كىشىنىڭ زەھەرلەنگەنلىكى ياكى يارىلانغانلىقى بايقالمىغان ، شۇنداقلا ئوت ئۆچۈرۈش ۋە ساقچى دائىرىلىرى پەقەت سۇ چېچىش ئارقىلىق يەنىمۇ ئېغىر ئاقىۋەتلەرنىڭ كېلىپ چىقىشىنىڭ ئالدىنى ئېلىشقا ھەرىكەت قىلىۋاتقان بولسىمۇ ، ئەمما بۇ ۋەقە زور دەرىجىدە مۇھىت بۇلغىنىشنى كەلتۈرۈپ چىقىشى مۇمكىن ئىكەن . (گۈلچېھرە)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت