Пичан әтрапида зәһәрлик тәбиий газ қечиш вәқәси йүз бәрди

Уйғур елидики хитай хәвәр тор бәтлиридин ашкарилинишичә,31 - июл күни кәч саәт 6дин 10 минут өткәндә, 30 тонна суюқландурулған тәбиий газни бесип , 312 дөләтлик таш йолида маңған бир йүк аптомобили пичанға үч километир қалған арилиқта бузулуп қелип , бактики 30 тонна суюқландурулған тәбиий газ еқип кәткән.

Вәқәдин хәвәр тапқан пичан һөкүмәт даирилири зәһәрлик суюқ газниң техиму еғир ақивәт елип келишидин қаттиқ әндишигә чүшкән болуп , дәрһал мутәхәссис , өт өчүрүш, сақчи һәмдә җиддий қутқузуш хадимлирини нәқ мәйданға әвәткән.

Нөвәттә вәқә йүз бәргән бир қанчә километир даиридә қатнаш қамал қилинған болуп , бәлгилик даиридә қатнаш тосулуш келип чиққан .

Һазирғичә бу газ қечиш вәқәсидә бирәр кишиниң зәһәрләнгәнлики яки яриланғанлиқи байқалмиған , шундақла от өчүрүш вә сақчи даирилири пәқәт су чечиш арқилиқ йәниму еғир ақивәтләрниң келип чиқишиниң алдини елишқа һәрикәт қиливатқан болсиму , әмма бу вәқә зор дәриҗидә муһит булғинишни кәлтүрүп чиқиши мумкин икән . (Гүлчеһрә)