Pichan etrapida zeherlik tebi'iy gaz qéchish weqesi yüz berdi

Uyghur élidiki xitay xewer tor betliridin ashkarilinishiche,31 - iyul küni kech sa'et 6din 10 minut ötkende, 30 tonna suyuqlandurulghan tebi'iy gazni bésip , 312 döletlik tash yolida mangghan bir yük aptomobili pichan'gha üch kilométir qalghan ariliqta buzulup qélip , baktiki 30 tonna suyuqlandurulghan tebi'iy gaz éqip ketken.

Weqedin xewer tapqan pichan hökümet da'iriliri zeherlik suyuq gazning téximu éghir aqiwet élip kélishidin qattiq endishige chüshken bolup , derhal mutexessis , öt öchürüsh, saqchi hemde jiddiy qutquzush xadimlirini neq meydan'gha ewetken.

Nöwette weqe yüz bergen bir qanche kilométir da'iride qatnash qamal qilin'ghan bolup , belgilik da'iride qatnash tosulush kélip chiqqan .

Hazirghiche bu gaz qéchish weqeside birer kishining zeherlen'genliki yaki yarilan'ghanliqi bayqalmighan , shundaqla ot öchürüsh we saqchi da'iriliri peqet su chéchish arqiliq yenimu éghir aqiwetlerning kélip chiqishining aldini élishqa heriket qiliwatqan bolsimu , emma bu weqe zor derijide muhit bulghinishni keltürüp chiqishi mumkin iken . (Gülchéhre)