Уйғур ели хитайдики әң чоң нефит базиси болуш алдида турмақта

Хитай дөләт кабинтиниң йеқинқи тезислиридин ашкарилинишичә, 2020- йилиғичә уйғур ели хиялдики әң чоң нефит базисиға айлинидикән.

Хитай илим-пән нәшрияти бу һәқтә бәргән мәлуматлардин ашкарилинишичә , уйғур елидики нефит вә тәбиий газ записи һазир , хитайдики қуруқлуққа җайлашқан нефит вә тәбиий газ записиниң 4 тин бир қисмини игиләйдиған болуп, 2006- йили уйғур елидә 24 милйон тонна хам нефит ишләпчиқирилип хитай буйичә 3- орунға өткән. Әмма тәбиий газ записи җәһәттә, һазирғичә хитай буйичә алдинқи қатарда туруп кәлмәктә.

Хитайниң санаәтлишишидики қәдиминиң тезлитилиши, нефит вә тәбиий газға болған еһтияҗини ашурувәткән болуп , у 2003- йили нефит истемал қилишта японийидин өтүп кетип, нефит истемали җәһәттә дунядики иккинчи орунға өткән болғачқа, хитай сиясийонлири вә дөләт игиликидики нефит санаәт гуруһлири нефит - енергийә бихәтәрликини қоғдашта, уйғур ели вә башқа районлардики нефит запаслирини ечиш қәдимини тизлитиш, нефит екиспорт қилидиған дөләтләр билән дипломатик мунасивәтлирини техиму яхшилаш һәмдә хам нефит амбарлирини кеңәйтиш қатарлиқ һәрхил амал чариларни қолланмақта.

Хитай илим-пән нәшрияти тарқатқан учурдин мәлум болушичә, алдинқи икки йил җәрянида, хитай дөләтлик нефит ширкити вә хитай нефит- химийә санаити гуруһи бирлишип, уйғур елиниң нефит байлиқлирини ечишта 68.6 Милярд йүән хәлқ пули мәбләғ салған. (Җүмә)