Uyghur éli xitaydiki eng chong néfit bazisi bolush aldida turmaqta

Xitay dölet kabintining yéqinqi tézisliridin ashkarilinishiche, 2020- yilighiche Uyghur éli xiyaldiki eng chong néfit bazisigha aylinidiken.

Xitay ilim-pen neshriyati bu heqte bergen melumatlardin ashkarilinishiche , Uyghur élidiki néfit we tebi'iy gaz zapisi hazir , xitaydiki quruqluqqa jaylashqan néfit we tebi'iy gaz zapisining 4 tin bir qismini igileydighan bolup, 2006- yili Uyghur élide 24 milyon tonna xam néfit ishlepchiqirilip xitay buyiche 3- orun'gha ötken. Emma tebi'iy gaz zapisi jehette, hazirghiche xitay buyiche aldinqi qatarda turup kelmekte.

Xitayning sana'etlishishidiki qedimining tézlitilishi, néfit we tebi'iy gazgha bolghan éhtiyajini ashuruwetken bolup , u 2003- yili néfit istémal qilishta yaponiyidin ötüp kétip, néfit istémali jehette dunyadiki ikkinchi orun'gha ötken bolghachqa, xitay siyasiyonliri we dölet igilikidiki néfit sana'et guruhliri néfit - énérgiye bixeterlikini qoghdashta, Uyghur éli we bashqa rayonlardiki néfit zapaslirini échish qedimini tizlitish, néfit ékisport qilidighan döletler bilen diplomatik munasiwetlirini téximu yaxshilash hemde xam néfit ambarlirini kéngeytish qatarliq herxil amal charilarni qollanmaqta.

Xitay ilim-pen neshriyati tarqatqan uchurdin melum bolushiche, aldinqi ikki yil jeryanida, xitay döletlik néfit shirkiti we xitay néfit- ximiye sana'iti guruhi birliship, Uyghur élining néfit bayliqlirini échishta 68.6 Milyard yüen xelq puli meblegh salghan. (Jüme)