Xitay néfit guruhi, gherbi diyar néfit turuba shirkiti, Uyghur diyarigha makanlashti


2007-04-13
Share

Yeqinda, xitay néfit guruhi gherbi diyar néfit turuba shirkiti Uyghur diyarigha makanlashqan. Bu shirket 2004-yili qurulghan, royxetke aldurghan meblighi 8 milyard 200 milyon yü'en etrapida bolup, asasliqi Uyghur elidin chiqiwatqan xam néfit we teyyar néfitni toshush üchün kereklik bolghan néfit turuba yolliri qurulushini elip berish qatarliq wezipe türlerni üstige alghan.

Xitay axbarat wasitiliri bergen melumatlargha qarighanda, bu shirket mes'ul bolup, 15 milyard yü'en meblegh salghan.Gherbi diyar néfit turuba qurulushi, gherbte ürümchi shehirige sherqte gensuning lenju shehirige yétip baridu. Bu turuba liniyisining yetküzüsh miqdari eng zor, omumi musapisi ang uzun bolghan turuba liniyisi iken.

Gherbi diyar néfit turuba liniyiside 2006-yili 7- ayda xam néfit yetküzülüsh bashlan'ghan bolup teyyar néfit yetküzüsh xizmiti bu yil 6- ayda bashlinidiken. Bu turuba liniyisi tamamlan'ghandin kiyin xam we teyyar néfit yetküzüsh miqdari qoshulup, yiligha 40 milyon tonna néfit yetküzüsh iqtidarigha ige bolup, yilliq mehsulat qimmiti 70 milyard yü'en bolidiken.

Uyghur küzetküchilerning bildürüshiche, xitayning Uyghur élige néfit qurulushigha séliwatqan meblighi peqet Uyghur élining néfit bayliqlirini talan taraj qilishqa sélin'ghan bolup, yerlik xelqqe héchqandaq menpe'et élip kelmeydiken.

Bu heqte gherb metbu'atlirimu oxshash pikirlerni ilgiri sürüshmekte. Yéqinda Uyghur élide ziyarette bolup xitayning Uyghur élidiki néfit qézish ishliri toghrisida bir nechche chatma xewer yazghan asi'a kalling axbarat agéntliqining muxbiri.Dani'el sche'arf, 2007-yili 2-april kuni bergen melumatida mundaq yazghan: "tenqidchilerning qarishiche, néfit qézish bu jaydiki yerlik xelqqe yéterlik payda keltürmidi, bolupmu xinjyang nopusining asasliq qismini teshkil qilidighan türkiy tilliq musulmanlardin bolghan Uyghur qatarliq azsanliq milletlerge héchqandaq payda élip kelmidi". (Jume)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet