Xitay, chet'el shirketlirining tarimda néfit - teb'iy gaz qidirishigha yol qoymaqchi

Junggo néfit shirkitining jüme küni ashkarilishiche, xitay da'iriliri buningdin kéyin chet'el shirketlirining tarim oymanliqida néfit we teb'iy gaz qidirish élip bérishigha yol qoymaqchi iken.

Junggo néfit shirkiti, chet'el néfit shirketlirini tarim oymanliqidiki yoshurun néfit we tebiy gaz zapisigha mol rayonda qidirish élip bérishqa teklip qilidighanliqini jakarlidi.

Junggo néfit shirkiti tor bétide élan qilghan bu heqtiki bayanatida " biz chet'ellik meslekdashlirimizni junggo chong quruqluqidiki bu eng chong teb'iy gaz we néfit oymanliqida ortaqliship qidirish élip bérishqa teklip qilimiz " deydu. Bayanatta , bezi chet'el néfit shirketliri bu pilan'gha qiziqidighanliqini melum qildi, dep tekitligen bolsimu, lékin bu shirketlerning isimini ashkarilimighan. Dunya Uyghur qurultiyi bolsa rayon'gha meblegh salmaqchi bolghan chet'el shirketlirini Uyghurlarning kishilik hoquqi, muhit we iqtisadi menpe'eti toghrisida éhtiyatchan bolushqa chaqirmaqta.

Junggo néfit shirkitining bayanatida eskertishiche, chet'el néfit shirketlirige échiwitilmekchi bolghan tarimdiki néfit - teb'iy gaz yoshurun zapisigha mol 9 rayon 110 ming kwadrat kilométir da'irini qapsaydiken. Junggo néfit shirkiti bu rayonlarning konkrét jay isimlirini tilgha almighan, peqet tarimning sherqiy we merkizi qisimini öz ichige alidighanliqini tekitligen. (Erkin)