Хитай даирилири дөлитиниң енергийә тәминатини сәрхиллаштуруш мәқситидә, йеқинда уйғур елидә йәнә икки газ турубиси ясашни қарар қилғанлиқини җакарлиди.
Ройтерс агентлиқиниң хәвәр қилишичә, ясалмақчи болған бу турубиларниң һәр иккилиси уйғур елидин башлинип хитайниң гәнсу өлкисигичә туташтурилидиған болуп, буларниң бирини 1800 километир узунлуқтики нефит турубиси қилса, йәнә бирини 1500 километир узунлуқта қилип, униңдин техи пишшиқлаштин өтмигән хам нефит маңғузидикән.
Бу икки газ турубиниң қурулуш ишлирини хитай нефитлиги өз үстигә алған болуп, дәсләпки қәдәмдә бу қурулушниң пүтүп чиқишиға 14 милярд 6 йүз милйон йүән йәни 1 милярд 8 йүз милйон америка доллири хираҗәт кетидиғанлиқи мөлчәрләнмәктә. Шундақла бу икки газ турубиси кәлгүсидә, хитай билән қазақистан оттурисида селиниватқан чоң газ турубиси билән туташтурилидикән.
Бу газ турубилириниң, илгири рим ханданлиқи билән хитайни туташтурған қәдимқи ипәк йолидики уйғур елигә селиниши, хитайниң оттура асиядики мол нефит байлиқиға еришишигә қолайлиқ яритип беридикән.
Хәвәрдә мәлум болушичә йәнә, хитай даирилири һазир бу икки газ турубисиниң биридин йилиға 10 милйон тонна нефит, йәнә биридин 20 милйон тонна хам нефит маңғузушни пиланлимақта. (Пәридә)
Мунасивәтлик мақалилар
- 2010 - Йили уйғур ели хитай бойичә биринчи дәриҗилик нефит ишләпчиқириш райониға айлинидикән
- Тарим нефитлики күндилик газ миқдарини 33 милйон купметирға йәткүзмәкчи
- Атасу - алатав нефит турубисида декабирдин башлап нефит еқитилишқа башлайду
- Уйғур аптоном райони хитайниң әң чоң нефит базиси болуп қалидикән
- Гүлистан әзиз: “иккинчи вәтиним-японийәни хитай тәһтидидин агаһландуруш вә қоғдаш мениң бурчум”
- Хитай қарамайда тунҗи болуп синақ қиливатқан әқлий иқтидарлиқ чарлиғучи машина қандақ нәрсә?
- Түркийә билән қазақистанниң б д т кишилик һоқуқ алий кеңишиниң 50-қетимлиқ йиғинида уйғур мәсилисини тилға елиши немидин бишарәт бериду?
- Норвегийәдә “шәрқий түркистан әркинлик лоңқисини талишиш” путбол мусабиқиси башланди
- Уйғур ирқий қирғинчилиқиниң өтмүши, бүгүни вә кәлгүсигә нәзәр
