Ürümchi - lenju néfit turuba qurulushi pütti


2005.10.11
Share on WhatsApp
Share on WhatsApp

Xitay néfit shirkiti we teb'iy gaz turuba idarisining élan qilishiche, Uyghur aptonom rayonining merkizi ürümchidin xitayning lenju shehirigiche baridighan ürümchi - lenju néfit turuba qurulushi resmi pütken.

Igilishimizche bu qurulush qosh liniyilik turuba qurulushi bolup, bir liniyiside xam néfit, yene bir liniyide pishshiqlan'ghan néfit éqitilidiken. Néfit turubisining lenjughiche baridighan omumi uzunluqi 4000 kilométir kélidu.

Da'irilerning ashkarilishiche, mezkur qurulushqa 14 milyard 600 milyon yü'en meblegh sélin'ghan. Bu turuba yiligha 20 milyon tonna xam néfit, 10 milyon tonna pishshiqlan'ghan néfit éqitish iqtidarigha ige.

Uyghur aptonom rayoni partkomining sékritari wang léchü'en, yéqinda aptonom rayoni xitayning istratégiyilik énérgiye zapas menbe'esi bolup qalidu, dep tekitligen.

Béyjingda chaqirilghan kompartiye merkiziy komitétining bu qétimqi omumi yighinida xitayning énérgiye istratégiyisi muzakire qilindi. Yighinning aldida xongkongda chiqidighan "wén xuy" géziti, kompartiye da'irilirining Uyghur aptonom rayonini xitayning énérgiye bixeterliki rolini oynaydighan rayon bolup qalidu, dep atighanliqini tilgha alghan.

Emma xitayning bu siyasitini tenqid qilghuchilar, da'irilerni rayonning muhiti we su menbe'elirini bulghash, Uyghurlarni bu tereqqiyatning sirtida qaldurush bilen eyiblimekte. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.