Хитай қарамайдин үрүмчигичә тутишидиған йеңи тәбиий газ туруба йоли ятқузди


2005-10-13
Share

Хитай даирилири қарамайдин үрүмчигичә тутишидиған йеңи бир тәбий газ туруба йоли ятқузиватқанлиқини елан қилди.

Уйғур аптонум районлуқ нефит ширкити ишләпчиқиришни әмәлийләштүрүш башқармисиниң башлиқи җяңниң билдүрүшичә, бу туруба йоли киләр йилиниң алдинқи йеримида рәсмий пүтүп ишқа селинидикән. У, мәзкур туруба йолиниң йилда бир милярд куп метир нефит вә тәбиий газ тошуш иқтидари барлиқини билдүрүп, униң қазақистандин сетивалидиған бир милйон тонна нефитни йөткәш ишлириға ишлитилидиғанлиқини көрсәтти. Енергийигә қағҗириған хитай нөвәттә уйғур елидики, шундақла русийә вә оттура асиядин импорт қилидиған нефитларни уйғур ели арқилиқ хитай өлкилиригә тошимақта. Хитай һөкүмитиниң уйғур елигә қаратқан сияситини тәнқид қилғучилар, бу райондики нефит қедириш вә тошуш ишлириниң йәрликниң екелогийилик муһитини булғапла қалмай, йәрлик хәлқни мәнпәәтләндүрмәйватқанлиқини билдүрмәктә. Хитайниң йеңидин ясаватқан қарамай- үрүмчи туруба йолиниң омумий узунлуқи 286 километирға йеқин болуп, 114 километирлиқ бөлики деһқанчилиқ районидин өтиду. Туруба ятқузуш җәрянида, нурғун деһқанлар йәрлиридин айрилишқа мәҗбур болидиған болуп, уларға қанчилик төләм берилиши техи ениқ әмәс.

Хитайда, һәр хил қурулушлар җәрянида һөкүмәт әмәлдарлириниң парихорлиқи сәвәбидин деһқанларниң мәнпәәти зиянға учрап, һәр хил қаршилиқ һәрикәтләр көпләп йүз бәрмәктә. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт