Қарамай-үрүмчи нефит турубиси пүтти


2005-10-30
Share

Хитайниң уйғур елидә елип бериватқан муһим нефит туруба қурулушлиридин бири болған қарамай-үрүмчи нефит турубисиниң қурулуш ишлири 29 -өктәбир шәнбә күни пиландин бурун ахирлашти.

Қарамай-үрүмчи нефит турубисиниң омумий узунлуқи 285 километир болуп, у җәмий 12 шәһәр, наһийә вә девизийиләрни бесип өтидикән. Бу қурулуш, хитай нефит тәбиий газ һәссидарлиқ ширкитиниң 2005 -йилидики әң муһим қурулушлиридин бири болуп, буниңға тәхминән 600 милйон йүән мәбләғ селинған. Шундақла дәсләпки пиланда бу қурулуш әсли келәр йили 8 - айда пүтмәкчи икән.

Шинҗаң нефитлиги ширкитиниң муавин партком секритари абдуләһәт қеюм бу мунасивәт билән ечилған тәбрикләш мурасимида, мәзкур қурулушниң уйғур елидики нефит вә тәбий газларни йоллаш хизмитигә асанлиқ туғдуруш билән биргә, қазақистандин киридиған хам нефитләрниң уйғур елигә киргәндин кейинки йөткәш хизмәтлиригә қолайлиқ яритип беридиғанлиқини билдүрди.

Гәрчә мурасимда йәнә, уйғур аптоном райониниң муавин рәиси ху вей, бу қурулушниң уйғур елиниң иқтисадий тәрәққиятиға вә хәлқниң турмушини бай қилишқа зор пайдиси тегидиғанлиқини тәкитлигән болсиму, лекин нурғун уйғур паалийәтчилири вә зиялилар буниңдин йәнила хитайларниң пайдиға еришидиғанлиқини тәкитлимәктә. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт