Qaramay-ürümchi néfit turubisi pütti


2005-10-30
Share

Xitayning Uyghur élide élip bériwatqan muhim néfit turuba qurulushliridin biri bolghan qaramay-ürümchi néfit turubisining qurulush ishliri 29 -öktebir shenbe küni pilandin burun axirlashti.

Qaramay-ürümchi néfit turubisining omumiy uzunluqi 285 kilométir bolup, u jem'iy 12 sheher, nahiye we déwiziyilerni bésip ötidiken. Bu qurulush, xitay néfit tebi'iy gaz hessidarliq shirkitining 2005 -yilidiki eng muhim qurulushliridin biri bolup, buninggha texminen 600 milyon yü'en meblegh sélin'ghan. Shundaqla deslepki pilanda bu qurulush esli kéler yili 8 - ayda pütmekchi iken.

Shinjang néfitligi shirkitining mu'awin partkom sékritari abdul'ehet qéyum bu munasiwet bilen échilghan tebriklesh murasimida, mezkur qurulushning Uyghur élidiki néfit we tebiy gazlarni yollash xizmitige asanliq tughdurush bilen birge, qazaqistandin kiridighan xam néfitlerning Uyghur élige kirgendin kéyinki yötkesh xizmetlirige qolayliq yaritip béridighanliqini bildürdi.

Gerche murasimda yene, Uyghur aptonom rayonining mu'awin re'isi xu wéy, bu qurulushning Uyghur élining iqtisadiy tereqqiyatigha we xelqning turmushini bay qilishqa zor paydisi tégidighanliqini tekitligen bolsimu, lékin nurghun Uyghur pa'aliyetchiliri we ziyalilar buningdin yenila xitaylarning paydigha érishidighanliqini tekitlimekte. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet