Xitay hökümiti, Uyghur aptonom rayonidiki sezgür siyasi mesililerni xewer qilghan besh zhornalni pichetligen

Uyghur aptonom rayonluq axbarat we neshriyat idarisi, yéqinda jem'iyettiki sezgür siyasi mesililer toghrisida maqale élan qilghan besh xitayche zhornalni pichetlesh heqqide höjjet chüshürgen. Bu zhornallar "paytexttiki yétekchi", "güzel hayat", "harwikesh" , "renggareng hayat", "jyu shang" qatarliqlarni öz ichige alidiken.

Merkizi gérmaniyidiki sherqiy türkistan uchur merkizining xewer qilishiche, axbarat we neshriyat idarisi yuqiriqi zhornallarni " qanunsiz neshr qilin'ghan buyumlar" dégen sewebler bilen pichetligen. Bularning ichidiki "paytexttiki yétekchi"zhornilini jonggo néfit shirkitining ürümchidiki bir shöbisi bilen ürümchi yingyu élan sen'et cheklik hessidarliq shirkiti birge chiqirattiken.

"Güzel hayat"zhornilini xongkongdiki bir sayahet zhornili bilen shinjang féngchi körgezme soda shirkiti nersh qilatti. Yuqiriqi zhornallar ichidiki "harwikesh" ni "shinjang yashlar zhornili" bilen "xongkong iqtisad munbiri" birge chiqarghan. "Renggareng hayat" ürümchi yangxéy soda cheklik shirkiti teripidin tarqitilattiken.

Sherqiy türkisyan uchur merkizi, xitay hökümiti teripidin pichetlen'gen yuqiriqi zhornallarning Uyghur aptonom rayonidiki siyasi sezgürliki yuqiri qaysi mesililer toghrisida maqale élan qilghanliqini tilgha almidi.(Erkin)