Qirghizistan aliy soti nighmet haji bosaqopni öltürgenlik jinayiti bilen bir ademni ölümge höküm qildi


2006-06-25
Share

Farghane.Ru agéntliqining qirghizistan uchur agéntliqliridin neqil keltürüp tarqatqan xewirige asaslan'ghanda, 24-iyun küni qirghizistan aliy soti özbékistan puqrasi atabék exmedopni qirghizistan Uyghurlirining ittipaq jemiyitining re'isi nighmet bosaqopni öltürgenlik jinayiti bilen ölüm jazasigha höküm qilghan. Bu heqte atabék exmedopning adwokati muxbirlargha uchur bergen bolup, u bu eyibleshning jinayet gumandarining öz jinayitini yazma shekilde étirap qilishi bilen békitilgenlikini körsitish bilen atabék exmedopning qiynash we qorqutush astida bu jinayetlerni étirap qilishqa mejbur bolghanliqini körsetken.

Adwokat yene bu heqte tibbiy matériyal mewjut ikenliki, uningda atabék exmedopni urush we qorqitish arqiliq uni jinayetni öz zimmisige élishqa mejbur qilin'ghanliqi bayan qilin'ghanliqini otturigha qoyghan. Nina zotowa isimlik mezkur adwokat xanimning eskertishiche, emeliyette nighmet bosaqopning öltürülishini körgüchiler qatilning ottura boyluq xitaygha yaki koréyilikke we yaki tunggan'gha oxshap kétidighan adem ikenlikini éytishqan bolup, bu uchurlar atabék exmedopning qiyapitige qilche oxshimaydiken. Adwokat atabék exmedop üstidin chiqirilghan hökümning adil bolmighanliqi üchün adilliqni qolgha keltürüsh üchün bu mesilini birleshken döletler teshkilati we bashqa insan hoquqi teshkilatlirigha sunidighanliqini bildürgen.

Nighmet haji bosaqop, qirghizistandiki Uyghurlarning ittipaq jemiyitining re'isi bolup, u namelum kishiler teripidin öltürülgen idi. Kéyin, bu déloni shangxey hemkarliqigha eza döletler buni Uyghurlargha artqan bolsimu, emma nighmet hajining a'ilisi we qirghizistan Uyghurliri bu hökümni qobul qilmighan idi. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet