Uyghur élide qiz-oghul bowaqlarning nisbet perqi chongaymaqta


2005.01.31

Uyghur aptonom rayonluq pilanliq tughut jem'iyitining melum qilishiche, Uyghur élidiki qiz-oghul bowaqlarning nisbet perqi barghanséri chongaymaqta iken.

"Shinjang géziti" de élan qilin'ghan xewerde körsitilishiche, bu mesile aptonom rayonluq pilanliq tughut jem'iyitining xizmet yighinida otturigha qoyulghan bolup, uningda yene, qiz-oghullarning tughulush nisbitining tengpungsizliqini kontrol qilish alahide tekitlen'gen.

Aptonom rayonning mu'awin partkom sékritari we pilanliq tughut jem'iyitining bashliqi nur bekri yighinda, xitay nopusining nöwette 1 milyard 300 milyon'gha yetkenlikini, shu sewebtin döletning nopusi köp bolush we bayliqi yétishmeslik weziyitini nezerde tutup, pilanliq tughut ishlirini aldinqi orun'gha qoyush kéreklini tekitligen.

U sözide yene, qiz-oghullar nisbitidiki perqning nöwette duch kéliwatqan qiyin mesililerning biri boliwatqanliqini eskertip, awalqi, pilanliq tughut üchünla pilanliq tughutni yolgha qoyushtek kona idiyini özgertip, nopus bilen iqtisad, jem'iyet, bayliq we muhit qatarliqlarni maslashturup tereqqiy qildurush yéngi qarishini tikleshni otturigha qoyghan.

Qiz-oghullarning tughulush nisbitidiki tengpungsizliq Uyghur élidila emes, belki pütün xitay boyiche bir qeder éghir bolup, bu hetta xelq'ara jem'iyetningmu déqqitini tartiwatqan mesililerning biri. Xitayda qiz oghul bowaqlarning nisbiti texminen 100:119 bolghan. Bu perq xelq'ara ölchemdin köp yuqiri kélidiken. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.