Rabiye qadir nobél mukapatigha namzatliqqa körsitilishi mumkin


2005.01.31
Share on WhatsApp
Share on WhatsApp

Fransiye axbarat agéntliqi xewirige qarighanda, Uyghurlarning asasiy kishilik hoquq kürishining simwoli bolghan rabiye qadir, 2005 - yilliq xelq'ara nobél tinchliq mukapatining namzatliqigha körsitilishi mumkin iken.

Buningdin sirt yene, insanperwerlik yardem teshkilati bolghan "balilarni qutquzush" teshkilati, ukra'iniyining yéngi prézidénti wiktor yushénko we amérikining sabiq tashqi ishlar ministiri kolin powél qatarliqlarmu nobél kandidati bolishi mumkin.

Rabiye qadir téxi ötken yili xelq'ara rafto kishilik hoquq mukapatigha érishken bolup, rafto fondi jem'iyiti 1 - ayning 26 - küni amérika paytexti washin'gton'gha kélip, mukapatni rabiye qadirning a'ilisidikilerge tapshurush murasimi ötküzgen idi.

Ilgiri rafto mukapatigha érishken bérmining öktichi rehbiri ang sen suki we démokratiye we kishilik hoquq pa'aliyetchisi iranliq shirin ébadi qatarliq bir qanche shexsler kéyin nobél mukapatighimu érishken idi.

Rafto fondi jem'iyitining wekilliri ötken hepte erkin asiya radi'omizni ziyaret qilghanda, ularning munasiwetlik orunlarning rabiye qadirni nobél mukapatigha namzatliqqa körsitishi üchün tirishchanliq körsitidighanliqini bildürgen idi.

Nobél mukapati shwitsiyilik alim elfréd nobél (Alfred Nobel) ning wesiyiti bilen 1900 - yili qurulghan bolup, bu mukapat fizika, ximiye, fizi'ologiye, méditsina, edebiyat, iqtisad we tinchliq saheliridiki netijilerge bérilidu. Shundaqla bu mukapatqa érishküchilerge bir dane altun médal, nobél kénishkisi we 1 milyon 300 ming dollar mukapat bérilidu.(Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.