Нобил мукапати дүшәнбә күндин етибарән елан қилинишқа башлайду


2006.09.29
Share on WhatsApp
Share on WhatsApp

2006 - Йиллиқ нобел мукапатиниң лауриятлирини елан қилиш дүшәнбә күни биринчи болуп нобел тиббий мукапатиниң лауриятини елан қилиш билән башлиниду. Нобел тинчлиқ мукапати болса 13 - өктәбирдә елан қилинмақчи.

Франсийә ахбарат агентлиқи, бу йиллиқ нобел тинчлиқ мукапатиниң сабиқ финландийә президенти мартти ахтисаариға берилиш мумкинчилики юқири болсиму, лекин уйғур кишилик һоқуқ йетәкчиси рабийә қадир ханим билән һиндонезийә президенти сусило бамбаң юдийоноларни ахтисаари билән риқабәтлишәләйдиған әң күчлүк намзатлар, дәп көрсәтти.

Осло тинчлиқ тәтқиқат институтиниң мудири стаен тоеннесон, "рабийә қадир мувапиқ намзат, чүнки у бир аял шундақла бир мусулман" дәйду.

Ахтисаари б д т ниң косова мәсилисини келиштүргүчи әмәлдари вә һиндонезийә билән ачех партизанлирини яраштуруш сөһбитидә вастичи болған. Президент бамбаң йодийоно ачех мәсилисидики төһписи үчүн намзатлиққа көрситилди. Лекин тоеннесон, "йодийонониң һәрбийликтин келип чиққанлиқи униң үчүн пайдисиз болуши мумкин. Бу уйғурларниң сүргүндики рәһбири рабийә қадирниң сайлиниши үчүн пайдилиқ" дәп тәкитлигән.

Рабийә қадир ханимни шветсийә парламент әзаси ениксен ханим намзатлиққа көрсәтти. У, буниң сәвәбини "рабийә қадирниң истибдат һакимийәткә қарши туруш йолида ипадилигән җасарити" вә "уйғур хәлқниң мәнпәәтини қоғдаш йолида күрәш қилғанлиқидур" дәп чүшәндүргән. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.