Nobil mukapati düshenbe kündin étibaren élan qilinishqa bashlaydu


2006.09.29
Share on WhatsApp
Share on WhatsApp

2006 - Yilliq nobél mukapatining la'uriyatlirini élan qilish düshenbe küni birinchi bolup nobél tibbiy mukapatining la'uriyatini élan qilish bilen bashlinidu. Nobél tinchliq mukapati bolsa 13 - öktebirde élan qilinmaqchi.

Fransiye axbarat agéntliqi, bu yilliq nobél tinchliq mukapatining sabiq finlandiye prézidénti martti axtisa'arigha bérilish mumkinchiliki yuqiri bolsimu, lékin Uyghur kishilik hoquq yétekchisi rabiye qadir xanim bilen hindonéziye prézidénti susilo bambang yudiyonolarni axtisa'ari bilen riqabetlisheleydighan eng küchlük namzatlar, dep körsetti.

Oslo tinchliq tetqiqat institutining mudiri sta'én to'énnéson, "rabiye qadir muwapiq namzat, chünki u bir ayal shundaqla bir musulman" deydu.

Axtisa'ari b d t ning kosowa mesilisini kélishtürgüchi emeldari we hindonéziye bilen achéx partizanlirini yarashturush söhbitide wastichi bolghan. Prézidént bambang yodiyono achéx mesilisidiki töhpisi üchün namzatliqqa körsitildi. Lékin to'énnéson, "yodiyononing herbiyliktin kélip chiqqanliqi uning üchün paydisiz bolushi mumkin. Bu Uyghurlarning sürgündiki rehbiri rabiye qadirning saylinishi üchün paydiliq" dep tekitligen.

Rabiye qadir xanimni shwétsiye parlamént ezasi éniksén xanim namzatliqqa körsetti. U, buning sewebini "rabiye qadirning istibdat hakimiyetke qarshi turush yolida ipadiligen jasariti" we "Uyghur xelqning menpe'etini qoghdash yolida küresh qilghanliqidur" dep chüshendürgen. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.