Gherb memliketliride noruz bayrimi

Uyghur qatarliq türkiy we pars tilliq xelqlerning en'eniwi bayramlirining biri hésablinidighan noruzning yétip kélishi bilen chet'ellerdiki Uyghurlar özliri zich yashaydighan ottura asiya jumhuriyetliri, türkiye qatarliq memliketlerdin bashqa yene gherb döletliridimu noruz bayrimini daghdughiliq ötküzdi.

Xewerlerge qarighanda, bu yil bir qisim gherb memliketliridiki Uyghurlar noruzni her yilidikidin daghdughuluqraq we mezmunluqraq ötküzgen.

Amérikidiki Uyghurlardin bashqa yene kanadadiki Uyghurlarmu 19-mart küni toronto shehiride bir yerge jem bolup, noruz pa'aliyiti ötküzgen. Xewerlerge qarighanda, mezkur bayram pa'aliyitige kanadaning toronto, montré'al we bashqa sheherliridin kelgen bir qisim Uyghurlar qatnashqan.

Bildürüshlerge asaslan'ghanda yawropadiki bir qisim memliketlerde noruz ötküzülüp bolghandin sirt yene en'giliye, shiwitsiye qatarliq memliketlerdiki noruz pa'aliyiti 24-25-mart künliri ötküzilidiken.

Inkaslargha qarighanda, gherb memliketliride Uyghurlarning sanining éshishi jümlidin Uyghurlarning siyasiy dawa pa'aliyetlirining janlinishigha egiship, her yili 12-noyabir sherqiy türkistan jumhuriyet künini xatirilesh, qurban héyt, roza héyt we noruz ötküzüsh muhim milliy pa'aliyetlerning terkibidin orun alghan. Buningda Uyghur milliy rohi we diniy étiqadini kücheytish hemde yéngi ewladlarning öz milliti hem wetinini söyüsh rohini qozghitish mezmunlirimu asasiy salmaqni igilimekte.(Ümidwar)