Норвегийидә уйғур мәдәнийәт күни өткүзүлди


2006.04.23
Share on WhatsApp
Share on WhatsApp

Норвегийә уйғур комитетиниң учур беришичә, 22-април күни чүштин кейин, норвегийиниң пайтәхти осло шәһиридә,норвегийә уйғур комитетиниң уюштуруши билән,"уйғур мәдәнийәт күни" паалийити өткүзүлгән.

Норвегийә уйғур комитетиниң хәвәр қилишичә, мәзкур мәдәнийәт паалийитидә алди билән уйғурларниң тарихи, мәдәнийити вә уйғурларниң инсан һәқлири вәзийити һәққидә қисқичә мәлумат берилди. Андин кейин мушу мәзмунлар асасида тәйярланған филим көрситилди вә көпчилики өсмүрләрдин тәшкил тапқан сәнәт һәвәскарлири өзлири тәйярлиған нахша усул номурлирини орунлиған һәм бир қисим һәвәскарлар өз шеирлирин дикламатсийә қилған.

Норвегийидә өткүзүлгән бу мәдәнийәт күнигә дуня уйғур қурултийиниң бир қисим рәһбирий вәкиллири иштирак қилған. Хәвәрдин мәлум болушичә, ахирида сайлам өткүзүлүп, норвегийә уйғур комитетиниң йеңи рәһбәрлик тәркиби сайлап чиқилип, абдусәмәт әпәнди рәисликкә тәйинлигән.

Мәзкур паалийәткә норвегийиликләр вә уйғурлардин болуп, 150дин артуқ адәм қатнашқан. Норвегийә уйғурлар мәсилисигә көңүл бөлүватқан мәмликәтләрниң бири болуп, 2004-йиллиқ рафто кишилик һоқуқ мукапатини рабийә қадир ханимға бәргән рафто фонди җәмийити мәзкур дөләткә җайлашқан иди.(Үмидвар)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.