Norwégiye Uyghur komitétining uchur bérishiche, 22-april küni chüshtin kéyin, norwégiyining paytexti oslo shehiride,norwégiye Uyghur komitétining uyushturushi bilen,"Uyghur medeniyet küni" pa'aliyiti ötküzülgen.
Norwégiye Uyghur komitétining xewer qilishiche, mezkur medeniyet pa'aliyitide aldi bilen Uyghurlarning tarixi, medeniyiti we Uyghurlarning insan heqliri weziyiti heqqide qisqiche melumat bérildi. Andin kéyin mushu mezmunlar asasida teyyarlan'ghan filim körsitildi we köpchiliki ösmürlerdin teshkil tapqan sen'et heweskarliri özliri teyyarlighan naxsha usul nomurlirini orunlighan hem bir qisim heweskarlar öz shé'irlirin diklamatsiye qilghan.
Norwégiyide ötküzülgen bu medeniyet künige dunya Uyghur qurultiyining bir qisim rehbiriy wekilliri ishtirak qilghan. Xewerdin melum bolushiche, axirida saylam ötküzülüp, norwégiye Uyghur komitétining yéngi rehberlik terkibi saylap chiqilip, abdusemet ependi re'islikke teyinligen.
Mezkur pa'aliyetke norwégiyilikler we Uyghurlardin bolup, 150din artuq adem qatnashqan. Norwégiye Uyghurlar mesilisige köngül bölüwatqan memliketlerning biri bolup, 2004-yilliq rafto kishilik hoquq mukapatini rabiye qadir xanimgha bergen rafto fondi jem'iyiti mezkur döletke jaylashqan idi.(Ümidwar)
Munasiwetlik maqalilar
- Gülistan eziz: “Ikkinchi wetinim-yaponiyeni xitay tehtididin agahlandurush we qoghdash méning burchum”
- Xitay qaramayda tunji bolup sinaq qiliwatqan eqliy iqtidarliq charlighuchi mashina qandaq nerse?
- Türkiye bilen qazaqistanning b d t kishilik hoquq aliy kéngishining 50-qétimliq yighinida Uyghur mesilisini tilgha élishi némidin bisharet béridu?
- Norwégiyede “Sherqiy türkistan erkinlik longqisini talishish” putbol musabiqisi bashlandi
- Xelq'ara diniy erkinlik aliy kéngishide chaqnighan Uyghur mesilisi (nezer 74-san)
