Даңлиқ тәмбурчи нурмәмәт турсун вапат болди


2004.12.19

Уйғур хәлқиниң даңлиқ тәмбур маһири нурмәмәт турсун йәкшәнбә күни әтигән сәһәрдә үрүмчидики өйидә аләмдин өтти. Униң туюқсиз вапат болишниң сәвәби техи ениқ әмәс.

Нурмәмәт турсун уйғур хәлқ аһаңлирини юқири маһарәт билән орундап, хәлқниң чоңқур һөрмитигә еришкән даңлиқ тәмбурчи болуп, у 90 - йилларда илгири кийин болуп, " тәмбур шаһи", " тәмбурум"," күн вә түн " қатарлиқ VCD пиластинликини вә үналғу линтилирини нәшр қилдурған. Униң юқири маһарәт билән орундиған " әҗәм", " ливән ярлар" қатарлиқ аһаңлири уйғур хәлқи вә оттура асия райондики қериндаш хәлқләрниң яқтуруп аңлишиға еришкән.

Бирақ, мәрһум нурмәмәт турсунниң сәнәткарлиқ һаяти 2001 - йили зор зәрбигә учриған. Униң 2001 - йилидики йеңи йиллиқ сәнәт кечиликидә, шаир турсунҗан әмәт " қанға боялған нахол " намлиқ шиирни декламатсийә қилғандин кийин, хитай һөкүмити уйғур елидә кәң - көләмдә идеологийә саһәсидики миллий бөлгүнчиликкә қарши һәрикәтни қозғиған. Һәмдә нурмәмәт турсунни җазалап, униң сәнәт паалийәтлирини чәткә қаққан иди.

Чәтәлдики нурғун уйғурлар униң вапатиға чоңқур тәзийә билдүрмәктә. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.