Nur bekri yashlar we ösmürlerni terbiyilesh xizmitini kücheytishni tekitlidi


2007.01.25

Uyghur élide yéqinda ötküzülgen aptonum rayonluq yashlar we ösmürlerning idiye‏- exlaq qurulushidiki nuqtiliq xizmetlerdin doklat bérish yighinida, xitay hökümitining rayon'gha teyinligen emeldari nur bekri söz qilip, "qara turxunlarni qet'i taqash, torgha chiqishta medeniy bolush we etraptiki muhitni yenimu tazilash" dégen nuqtini alahide otturigha qoyghan.

Nur bekri tekitligen nuqtilar üstide toxtalghan dunya Uyghur qurultiyining bayanatchisi dilshat réshit ependi istansimizning ziyaritini qobul qilip, nur bekri tekitlewatqan nuqtilarning del xitay hökümitining nöwette eng endishe qiliwatqan muhim nuqtilardin biri ikenlikini körsetti.

Dilshat rishit ependining éytishiche, xitay hökümiti, uchur dunyasi uchqandek tereqqi qiliwatqan bügünki künde, kishilerning bolupmu yash ‏- ösmürlerning intérnéttin paydilinip, xelq'ara weziyet hemde xelq'ara siyasetlerdin xewerdar bolushini, bolupmu démokratiye we kishilik hoquqqa a'it uqumlardin sawat élishini tosash üchün, barliq wastilerni ishqa sélip kelmekte. Dilshat réshit sözide yene "nur bekrining qara turxunlarni qet'i taqash dégini, tashqi dunyadiki ilgharliq idiyisining Uyghur yash ‏- ösmürlirige tesir körsitishini cheklesh dégenliktur " dédi.

Xewerlerge qarighanda, Uyghur élidiki kishiler intérnétte, chet'el axbarat wastilirini échip körelmeyla qalmastin, yerlik tor betliride özlirining köz qarashliri üstide erkin pikir bayan qilalmaydiken. Nöwette peqet xitaydila intérnét meydanini közitidighan intérnét saqchisi mewjut. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.