Nur bekri: "shinjangning muqimliqini küzde tutup, shinjangni chet'ellerge teshwiq qilishni kücheytish kérek"


2007-03-18
Share

Uyghur aptonum rayonluq hökümet tor bétidin ashkalinishigha qarighanda, ürümchide jüme küni échilghan "aptonum rayonning partkom teshwiqat xizmiti" yighinida, Uyghur aptonum rayoni partkom mu'awin sékrétari nur bekri "teshwiqatni kücheytip, shinjangning muqimliqini qoghdashtiki muhim xizmet. Muqimliq hemde tereqqiyatni küzde tutqanda choqum shinjangni chet'e'elerge teshwiq qilish ishlirini kücheytish kérek" dégen.

Xitay partkomining Uyghur élige qoyghan emeldari wang léchu'en ilgiri, "chégra sirtidiki bölgünchi küchlerning singip kirishining aldini élish üchün, özimizning axbarat wastiliridin paydilnip Uyghur éli ichige hemde sirtqa bolghan teshwiqat xizmitimizni kücheytishimiz kérek " dep otturgha qoyghandin kéyin, aptonum rayonluq partkom teshwiqat organliri her xil qoshna dölet we bashqa chet'eller bilen medeniyet sen'et kéchilikliri, medeniyet almashturush pa'aliyetlirini ötküzüsh arqiliq, Uyghur élining tinich, xelqning bolsa ittipaq, barawer, bayashat dep teshwiq qilip kéliwatqan bolsimu emma yenila chet'el muxbirlirining Uyghur élide ziyarette bolushini qattiq cheklep kelmekte.

2005 - Yili her bir idare organ hetta shirket karghanilarghimu tashqi teshwiqat ishxanisi namida mexsus organlarni qurup Uyghur élining heqiqiy ehwalining xelq'aragha ashkarlinishini qattiq kontorl qilmaqta.

Amérika xelq'ara diniy erkinlik komitéti xadimlirining -2005 yili -8 ayda Uyghur élidiki diniy erkinlikni tekshürüsh pa'aliyitimu yerlik partiye hökümet teshwiqat organlirining kontorulliqida qattiq nazaret astida élip bérilghan idi. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet