Nur bekri chaghan bayrimi kélish bilen teng xitay armiyisini we töhpikarlarni héytlash bilen aldirash


2008.02.06
Share on WhatsApp
Share on WhatsApp

'Tebi'et üstidin biz ghalib', 'ilah üstidin biz ghalib' dewatqan xitay kommunist hökümitining iqtidari bu qétimqi tebi'i apet jeryanida sinaldi. Fransiye agéntliqning 2 ‏- ayning 6 ‏- küni béyjingdin xewer qilishiche, yéqinda xitayning köpünche jaylirida, hetta adette qar yéghip baqmaydighan jaylardimu, 100 yildin buyan körülüp baqmighan dehshetlik qar apiti körülgen idi.Bu jeryanda xitayda qatnash palech boldi. Bügün chaghan bayrimining harpisi bolghan kündimu, millyonlighan xitay her yili bir qétim a'ile buyiche jem bolush arzuyini emelge ashuralmay seper üstide aware. Nurghun jaylarda chaghan bayrimi éléktir quwiti bolmighan halda ötmekte. Xelqni tebi'i apettin qutuldurush jehette amalsiz qéliwatqan xitay rehberliri qatnash tügünlirige, apet yüz bergen jaylargha bérip apetke uchrighan xelqtin hal sorawatidu.

Xitayning 'shinjang géziti'de ashkarilinishiche, xitay kommunist partiyisi Uyghur aptonom rayonigha belgiligen emeldari wang léchu'en, nur bekriler chaghan kélish bilen teng derhal xitay armiyi'isning shinjang herbiy rayonini, ishlepchiqirish -qurulush armiyisini we 'xitayche sotsi'alizm' qurush üchün töhpe qoshqan pishqedem emeldarlarni héytlash - medhiyilesh bilen aldirash.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.