Xitayning internet uchur torliridin biri www.sina.com Diki uchurda körsitilishiche, Uyghur aptonom rayonluq partkom mu'awin sékrétari nur bekri chet'ellerdiki siyasiy pa'aliyetchiler we Uyghur jama'itining rabiye qadirni "Uyghurlarning anisi" dep atishigha reddiye bérip, "bu bimenilik" dep atighan. Bu xitay hökümitining chet'ellerdiki Uyghurlarning we chet’ tel mentbu'atlirining rabiye qadirni "Uyghurlarning meniwi anisi" dep teriplishige nisbeten tunji qétim resmiy rewishte inkas qayturushidur.
Bu munasiwet bilen dunya Uyghur qurultiyining bash katibi dolqun eysa nur bekrige reddiye bérip, rabiye qadirning Uyghurlarning rehbiri we meniwi anisi ikenliki hemde Uyghur xelqining buningdin héch qachan yanmaydighanliqini tekitlidi.
Dunya Uyghur qurultiyi bayanatchisi dilshat réshit bolsa, rabiye qadirning Uyghurlarning özliri saylighan wekili ikenliki, emma nur bekrining Uyghurlargha wekillik qilalamydighanliqiqni bildürdi.
Rabiye qadir amérikigha kelgendin buyan pütün küchi bilen Uyghur siyasiy dewasini xelq'ara sehnige élip chiqish üchün küresh qiliwatqanliqi, uning kop qétim amérika dölet mejlisi uyushturghan ispat bérish yighinlirigha qatniship, Uyghurlarning insan hoquqi mesilisi heqqide guwahliqtin ötüshi hemde yawropa ittipaqigha eza memliketlerni ziyaret qilip, xelq'ara sehnide Uyghur mesilisini ünümlük tonushturghanliqi shuningdek uning Uyghurlar üchün körsetken pidakarliqlirini munasiwiti bilen dunya Uyghur qurultiyi mexsus uqturush chüshürüp, rabiye qadirni Uyghurlarning meniwi anisi we milliy rehbiri dep étirap qilishni qarar qilghan idi.
Rabiye qadir nur bekrining sözige inkas qayturup, özining heqiqeten nur bekrige oxshash ademlerning anisi emeslikini, özining peqet azadliqqa intiliwatqan xelqning anisi ikenlikini sherhlidi. Rabiye qadir uni xitayning gumashtisi dep atidi. (Ümidwar)
Munasiwetlik maqalilar
- Nur bekri "ma'aripni xitaychilashturushni axirghiche dawamlashturimiz", dédi
- D u q ning re'isi rabiye qadir xanim kanadadiki pa'aliyetlirini axirlashturup, washin'gton'gha qaytip keldi
- Jahan'gir pocha: rabiye qadir Uyghurlarning dalay lamasi
- Nur bekri: qosh tilliq ma'aripni qilche ikkilenmestin ilgiri sürimiz
- Nur bekri: qosh tilliq oqutushni pütün küch bilen ilgiri sürüsh kérek
- Elfidar iltebir amérika Uyghur birleshmisining yéngi nöwetlik re'islikige saylandi
- Qeshqerde lagérgha adem tutushta xizmet körsetken saqchining qizimu 10 yilliq késilgen
- Ghuljada türmidin chiqqan yaqup hesen harpa küni, oghli bilal yaqup héyt küni tügep ketken
- Xitay bachélétning ziyariti harpisida chet eldiki Uyghurlargha türmidiki a'ile ezalirining dawasini qilmasliq toghrisida bésim ishletken
- B d t kishilik hoquq aliy komissari bachélétning xitay ziyariti resmiy bashlandi
