"Sh u a r" re'isining rabiye qadir xanim heqqidiki bayani dunya metbu'atlirida xewer qilindi

Uyghur aptonom rayoni re'isi nur bekrining charshenbe küni Uyghur ilidiki kadirlargha sözligen dunya Uyghur qurultiyi re'isi rabiye qadir xanimning shexsiyitige hujum qilish xaraktérlik we gherb ellirini "düshmen küchler" dep élan qilghan nutuqi xelq'ara metbu'atlarda xewer qilinmaqta.
Muxbirimiz erkin xewiri
2008.09.12

 Roéytérs agéntliqi jüme künki xewiride, nur bekrining amérika bashchiliqidiki gherb ellirini xitayning tereqqiyatidin bi'aram bolghan "düshmen küchler" dep atighanliqini, béyjingning Uyghur ilidiki hökümranliqigha narazi guruhlarni démokratiye we kishilik hoquq namida qollawatidu, dep hujum qilghanliqini we gherb ellirini dölet ichi we sirtidiki 3 xil küchlerning yölenchüki hem xojayini, dep élan qilghanliqini bildürgen.

Teywenning merkizi axbarat agéntliqi nur bekrining rabiye qadir xanim we dunya Uyghur qurultiyini 4‏ -, 10 ‏ - we 12 ‏ - awghusttiki hujumlarning perde arqisidiki heqiqiy jawabkari, dep élan qilghanliqini xewer qildi. Nur bekri kadirlar yighinida sözligen nutuqida rabiye qadir xanimni türlük siyasi xitaplar bilen eyiblepla qalmay, shexsiyitige hujum qilidighan nurghun ibarilerni qollan'ghan.

Xongkongdiki "da gongbaw" géziti jüme künki sanida nur bekrining nutuqini xewer qilip, nurning dunya Uyghur qurultiyi re'isi rabiye qadir xanimgha shiddetlik hujum qilghanliqini yazdi. Lékin nur bekrining rabiye qadir xanim toghrisidiki hujumlirigha orun bérip, nurning amérika we gherb ellirini " düshmen küchler" dep tenqid qilghanliqini tilgha almidi.

 Rabiye qadir xanim radi'omizgha bergen bayanatida nur bekrining tenqidlirini ret qilip, nur bekrining " siyasiy exlaqning eqelli chek - chégrisidin halqip ketken söz ‏ - herikiti, uning sapasini namayen qilishtin bashqigha yarimaydu " dep körsetti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.