Хәлқниң күчи истибдат һакимийәтләрни әндишигә салмақта


2005.04.21
Share on WhatsApp
Share on WhatsApp

Америкидики даңлиқ "волтирис жорнили" гезити, пәйшәнбә күни елан қилған бир парчә мақалисидә, қирғиситанда өткән айда йүз бәргән хәлқ инқилабиниң хитайға охшаш истибдат һакимийәтләрни әндишигә салса, хитайниң бесими астида яшаватқан уйғур хәлқигә үмид беғишлаватқанлиқини билдүрди.

Америка уйғур җәмийитиниң рәиси нури түркәл әпәнди тәрипидин йезилған мәзкур мақалидә көрситилишичә, оттура асия дөләтлириниң һөкүмәтлири, болупму қирғизистан хитай билән болған иқтисади һәмкарлиқ вә истратегийилик мунасивәтни күчәйтиш үчүн, уйғурларни қаттиқ бастурған. Ақайеф дәвридә, хитай һөкүмитиниң зулимидин қечип кәлгән уйғурлар қолға елинип, көп һалларға хитайға мәҗбурий қайтурулған. Қирғизистандики уйғурларниң мәдәнийәт оргини болған иттипақниң паалийәтлириму контрол қилинған.

Мақалидә йәнә мундақ дейилгән: " әсқәр ақайефниң тәхиттин чүшүши билән, вәзийәттә өзгириш болғанлиқи һәққидә бәзи бишарәтләр болди. Мәркизи авистирийидики қирғиз кишилик һоқуқ тәшкилати америка уйғур җәмийитимизни қирғизистанға берип, йеңи һөкүмәт билән көрүшүшкә тәклип қилди. Бу қирғизистан йеңи рәһбәрлириниң хәлқ тәшкилатлири вә һөкүмәткә қаримайдиған органлар билән иттипақлиқ орнутушқа тиришиватқанлиқинңи бир ипадиси" .

Мақалиниң ахирида нури түркәл әпәнди, гәрчә ақайефниң тәхиттин чүшишиниң қирғизистан вә шәрқий түркситан хәлқигә қандақ тәсир елип келишини мөлчәрләш техи балдур болсиму, бирақ қирғизистандики инқилабниң хитай, қазақистан вә өзбәкистанға охшаш истибдат һөкүмәтләргә күчлүк агаһландуруш болғанлиқини билдүрди. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.