"Уйғурларни қутқузайли" - нури түркәл


2005-05-11
Share

Йеқинда америка уйғур бирләшмисиниң рәиси нури түркәлниң "уйғурларни қутқузайли" дегән темидики бир парчә мақалиси америкида чиқидиған "мәмликәтлик көзитиш тор бети"дә елан қилинди.

Нури түркәл мақалисида уйғурларниң кимлики вә вәзийитини қисқичә тонуштуруп, хитайниң бесими астида, уйғурларниң сөз вә сиясий һоқуқи, мәдәний вә диний һоқуқлириниң дәпсәндә қилиниватқанлиқини, шундақла хитайниң йәнә, террорчилиққа қарши уруш нами билән бу бастурушлирини һәқләштүрүшкә урунғанлиқини язған.

Мақалида, һазир уйғурларниң һәтта ана тилини ишлитиш һоқуқидинму мәһрум болуп қеливатқанлиқи, шундақла хитай бир тәрәптин уйғурларға хитай мәдәнийитини таңса йәнә бир тәрәптин хитай көчмәнлирини уйғур елигә көпләп йөткәш арқилиқ уйғурларни ассимилятсийә қилишқа урунуватқанлиқи көрситилгән.

Мәзкур мақалида йәнә, буш һөкүмитиниң демократийини дуняға тарқитиш йолидики тиришчанлиқлириниң үнүм һасил қилип, украинийә, грузийә вә қирғизистанға охшаш дөләтләрдә өзгириш пәйда қилғанлиқи, шундақла бу тәрәққиятларниң хитайға сегнал берипла қалмастин, уйғурларғиму үмид елип кәлгәнлики йезилған.

Аптор мақалисиниң ахирида, президент бушниң демократийә вә әркинликни пүтүн дуняға тарқитиш чақириқиниң, әркин асия радиоси арқилиқ пүтүн уйғур хәлқиғә йәткүзүливатқанлиқини һәмдә буниң уйғурларға үмид берипла қалмай, уларниң сиртқи әркин дуня билән алақә бағлишиға түрткә болғанлиқини язған. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт