Obulqasim haji qirghizistan türmiside wapat boldi

1998 -Yildin béri qirghizistanning béshkek shehiridiki k g b türmiside yétiwatqan obulqasim haji, 9 - ayning 7 - küni késel sewebdin türmide alemdin ötti.

Merhumni türmide axirqi qétim ziyaret qilghan zatlarning ashkarilishiche, obulqasim haji türmide yétish jeryanida qan raki késilige giripdar bolghan. Kishilik hoquq teshkilatliri qirghizistan da'irilirini "obulqasimning halidin xewer élish üchün héchqandaq tibbiy yardemde bolmighan we merhumni ölümge terik etken " dep eyiblimekte.

Obulqasim 1998 - yili qirghizistan dölet bixeterlik da'iriliri teripidin qolgha élin'ghandin kéyin 2001 - yili sotlinip, "térrorluq heriketlerni pilanlighan, qirghizistanda islam döliti qurmaqchi bolghan, dégendek sewebler bilen eyiblen'gen bolsimu, lékin u bularning hemmisini ret qilghan. Qirghizistan da'iriliri uni deslepte 8 yilliq qamaq jazasigha höküm qilghan bolsimu,lékin kéyinrek qirghizistan Uyghur ittipaqining re'isi nighmet bosaqowni öltürüshke ishtirak qilghan, dégen jinayetni artip, qamaq jazasini 30 yilgha chiqardi. Biraq nighmet bosaqow öltürülgende obulqasim k g b türmiside idi.

Obulqasim ölümidin sel burun uni yoqlap barghan ziyaretchilerge , u 1998 - yili qolgha élin'ghanda yénidin tépilghan tapanchining tizimgha aldurulghanliqini we saqchilarning, yénidiki 80 ming dollarni tartiwalghanliqini ashkarilighan.(Erkin)