Xitaydin qéchip kelgen kichik perhat anisi bilen tépishti


2007-06-14
Share

Nöwette Uyghur balilirini xitay ölkiliride oghriliq qilishqa oxshash jinayi ishlargha ishlitish weqeliri intayin köp bolup, yéqinda xitaygha oghurlinip kétilgen 11 yashliq perhat ürümchige qéchip kelgen.

Tengritagh tori 14 ‏- iyun küni, bu yil 4 ‏- ayning 12 ‏- küni yeken nahiyisidin xitayning nenjin shehirige élip qéchilghan perhat heqqide xewer élan qildi. Xewerde éytilishiche, aran 11 yashqa kirgen perhat adem qachaqliri teripidin hushsizlandurulghandin kéyin, nenjin'ge élip kélin'gen we oghriliq qilishqa mejburlan'ghan. U künige 2000 yüen oghrilash wezipisini orunliyalmighanliqi üchün xojayinliri uni qattiq urghan . Perhat xojayin'gha tamaka ekilish bahanisida, poyiz istansisigha bérip ürümchige qéchip kelgen.

Perhat ürümchide neq bir aydin kéyin anisi bilen tépishqan. Xitay ölkiliride tijaret qiliwatqan Uyghurlarning istansimizgha yetküzgen inkasliridin melum bolushiche, Uyghur balilirini oghriliq qilishtek jinayi ishlargha sélish arqiliq pul tépiwatqanlar, yalghuz xitaylar bolupla qalmastin, belki ularning arisida Uyghurlarmu xéli köp salmaqni igileydiken shuningdek perhatqa oxshash qéchip kelgen balilar nahayiti az sanda bolup, xitay ölkiliridin qaytip kélelmeywatqan Uyghur balilirining sani xélila köp iken.

Chet'ellerde Uyghurlarning kishilik hoquqi üchün pa'aliyet élip bériwatqan Uyghur teshkilatliri, xitay hökümitining xitay ölkiliride jinayet ishleshke mejburliniwatqan Uyghur balilirini qutuldurushqa qilche ehmiyet bermeywatqanliqini bildürmekte. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet