Xitay, 1 - öktebirde Uyghurlarning namayishqa duch kélidu


2007-09-30
Share

10-Ayning 1-küni xitay xelq jumhuriyitining dölet bayrimi, xitay xelq jumhuriyiti qurulghanliqining 58 yilliq munasiwiti bilen xitay bash ministiri wén jyabaw bayramliq kütüwélish murasimi ötküzüp, mexsus qedeh sözi sözlidi.

Xitay axbarat wasitilirining xewer qilishiche, dölet bayrimini tebriklesh kütüwélish murasimi béyjingdiki xelq sariyida ötküzülgen bolup, buninggha xitay re'isi xu jintaw, bash ministiri wén jyabaw we bashqa rehberler hemde 1500 din artuq her sahening erbabliri ishtirak qilghan, murasimda bash ministiri wén jyabaw qedeh sözi sözlep, dölet bayrimi we qolgha keltürgen netijilirini tebriklesh bilen birge teywen xelqini junggo hökümiti bilen birlikte teywenning musteqilliqighe qarshi turushqa chaqirdi hemde özlirining " bir dölette ikki xil tüzüm", " xongkongliqlar xongkongni bashqurush" " awménliqlar awménni bashqurush" tin ibaret " aliy aptonomiye" siyasitini téximu izchillashturidighanliqini tekitlidi.

Xewerlerdin qarighanda, 1-öktebir küni munasiwiti bilen chet ellerdiki tibet, falun'gung we xitay démokratik teshkilatliri, jümlidin Uyghur teshkilatliri türlük naraziliq pa'aliyetlirini uyushturidu.

Shitabi gérmaniyining myunxén shehirige jaylashqan dunya Uyghur qurultiyi bir qanche yildin buyan 1- öktebirni Uyghurlarning bésiwélin'ghan "matem küni" qilip békitken bolup, bu küni her qaysi jaylarda naraziliq namayishliri uyushturup kelmekte. Xewerlerdin qarighanda, 1-öktebir küni dunya Uyghur qurultiyining chaqiriqigha bina'en amérika, yawropa ittipaqi we bashqa döletlerdiki xitay elchixaniliri we konsulxaniliri aldida naraziliq namayishi élip bérilidu. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet