Olimpikke 100 kün qalghan kündin étibaren yolgha qoyulidighan pa'aliyet ürümchide bashqiche

Los anjilis taymis gézitining xewer qilishiche, béyjingda hazir olimpikke 100 kün qalghan kündin étibaren yolgha qoyulidighan musabiqe pa'aliyetliri bashlandi. Bu sheherde hayajanliq we endishimu teng mewjut.
Muxbirimiz weli xewiri
2008.04.30
Share on WhatsApp
Share on WhatsApp

 Olimpik musabiqisi bixeterlik xizmet guruppisining herbiy xizmet bölüm bashliqi tyen yishang 'xelq géziti'ning muxbirigha xitay 'xelq azadliq armiyimiz olimpikning xelq'araliq qa'idisi we dölitimizning qanunigha asasen, eskerni yéqindin yötkesh prinsipi buyiche, özining quruqluq, hawa, déngiz qatarliq her qaysi qisimliridiki muhapizetchi, mina charlighuchi, xémiyiwiy qorallardin mudapi'e körgüchi qatarliq hemme eskiri xillirini we tik uchar, paraxot, bashqurulidighan bomba qatarliq barliq eslihelirini heriketlendürüp olimpikni qoghdashqa teyyar' dégen.

Ürümchide bolsa ot öchürüshke jiddiy teyyarliq körülmekte. 'Shinjang xewer tori' ning bayan qilishiche, ürümchi ot öchürüsh idarisining bashliqi dey yichang ot öchürüsh sawatlirini ürümchide her bir ademgiche emeliyleshtüridighanliqini, shundaqla, hazir ot apitidin mudapi'elinish jehette mesile saqliniwatqan 44 orundiki 33 ot öchürüsh etritining layaqetsizlirini derhal retlep, pütün ot öchürüsh séstimisini 5 ‏ - ayning 30 ‏ - künigiche tamamen yürüshleshtürüp bolidighanliqini bildürgen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.