Uyghur mahiri aman'gül 2008 - yilidiki olimpik tenheriket yighinigha qatnashmaqchi


2004.10.27
Share on WhatsApp
Share on WhatsApp

Xitay döletlik tenterbiye etriti teripidin tallan'ghan, Uyghur yinik atlitka mahiri aman'gül jamal 2008 - yilidiki olimpik dunya tenheriket yighinigha qatnishidiken.

Uyghur élide chiqidighan "shinjang géziti" ning xewer qilishiche, bu yil 20 yashqa kirgen aman'gül jamal, aqsu wilayitining üchturpan nahiyisidin bolup, u tenterbiyidiki bolupmu qisqa musapiliq yügürüsh türidiki talanti bilen aqsu wilayiti boyiche ötküzülgen musabiqilarda köp qétim ilghar netijilerni qolgha keltürgen iken.

Aman'gül jamal yene -2003yili -8ayda Uyghur éli boyiche ötküzülgen 10 - nöwetlik tenheriket yighinigha qatniship, 100 métirliq yügürüsh musabiqisida Uyghur élining ayallar türidiki rékortini buzup tashlighan hemde ayallarning yinik atlitka guruppisidiki 100 we 200 métirliq yügürüshte birinchilikke érishken.

Aman'gül körünerlik netijiliri we yoshurun iqtidari bilen döletlik tenterbiye etritige tallan'ghan bolup, u 2008 - yilliq olimpik tenheriket musabiqisigha teyyarlinish üchün, yéqinda béyjinggha bérip dölet derijilik chéniqturush etritige qatnishidiken. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet