Uyghur élide olimpik mesh'ilini yerlik partiye sékritari kötermekchi


2007.06.29
Share on WhatsApp
Share on WhatsApp

Uyghur aptonom rayonining maralbéshi nahiyisi chongqorchaq yézisining yéziliq partiye yachéyka sékritari dawut hashim, 2008 - yili béyjingda ötküzülidighan olimpik musabiqisining mesh'ili Uyghur aptonom rayonidin ötkende mesh'elni kötergüchi namzatlar tizimlikige kirgüzülgen.

Yerlik partiye sékritarining mesh'elni kötergüchi namzatlar tizimlikige kirgüzülgenliki rayondiki xitay tor betliride bir qeder ijabiy bahagha érishken bolsimu, lékin Uyghur tor betliride bu mesile talash ‏- tartish qozghidi.

Dawut hashim 2003 - yili 2- ayning 24 - küni maralbéshi nahiyiside yüz bergen we xitay da'irilirining statistikisi buyiche 170 nechche ademning ölüshige sewebchi bolghan yer tewresh apitide nami chiqqan shexslerning biri bolup, uning a'ilisidiki 5 jan kishi shu qétimqi yer tewresh apitide ölgen. Xitay hökümiti uni a'ile tawabatidin ayrilip qélishtek éghir künlerde, partiyining yer tewresh rayonidiki siyasitini qet'i tewrenmey ijra qilghan shexs, dep maxtighan we xitay bash ministiri wén jyabaw qobul qilghan idi.

Uyghurche tor betlerde bir qisim tordashlar yerlik partiye sékritarining olimpik mesh'ilini kötürüshi olimpik rohigha taza toghra kelmeydighanliqini yazsa, yene bezi kishiler olimpik mesh'ili kötergüchi kim bolsa meyli, lékin Uyghur bolghanliqidin pexirlinidighanliqini yézishmaqta. Namzatlar tizimlikige kirgüzülgenliki dawut hashimning choqum olimpik mesh'ili kötiridighanliqidin dérek bermisimu, lékin bu mesilige qiziqquchilar, Uyghur tenterbiyichilerni namzatlar tizimlikige kirgüzüsh olimpik rohigha téximu uyghun kélidu, dep qarashmaqta. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.