Uyghur élide olimpiktin kéyinmu qattiq basturush dawamlishidu

Düshenbe künidiki téléfon yighinida, aldinqi mezgilliq muqimliq xizmitidin doklat bérilip, kéyinki basquchluq muqimliq xizmetliri orunlashturulghan.

Uyghur aptonom rayonluq siyasiy qanun komitéti partkom sékritari ju xeylün, buningdin kéyinki muqimliq xizmetliri toghrisidiki teleplerni otturigha qoyup,oxshashla " üch xil küchlerning zorawanliq we térrorluq heriketlirining qet'iy aldini élip, siyasiy ang, bixeterlik éngi, mes'uliyet éngini yenimu kücheytip, jem'iyet ehwalini we xelq rayini yaxshi igilep könglimizde san bolushni emelge ashurup, muqimliqni qoghdashta qet'iy tewrenmey, üch xil küchlerge zerbe bérishte, bélikimiz tömürdek qattiq bolushi kérek" dégen.

Ötken charshenbe échilghan asasi qatlam xizmitini kücheytip, ijtima'iy muqimliqni qoghdash yighinidimu, wang léchu'en muqimliq xizmitini hayat ‏ - mamatliq küresh dep teswirlep,Uyghur élide muqimliqqa pütün küch bilen kapaletlik qilip qattiq basturushni boshashmay dawamlashturushni tekitligen idi.

Tengritagh torining ju xeylünning sözini neqil élishiche, Uyghur élining muqimliqni qoghdash xizmiti yenimu murekkep weziyetke duch kéliwatqan bolup üch xil küchlerge qarshi turush xizmiti yenimu mushkülleshken.

Béyjing olimpiki harpisida shundaqla qeshqer hemde kuchalarda arqa arqidin yüz bergen weqelerdin kéyin xitay da'iriliri Uyghur élide muqimliqni qoghdash bahaniside basturushni qattiq dawamlashturuwatqan bolup, Uyghur pa'aliyetchilirining tehliliche,bu yighinlarda xitay da'irilirining Uyghur élide üch xil küchlerge zerbe bérishning uzun muddetlik küreshlikini tekitlishi, béyjing olimpiki axirlashqandin kéyinmu Uyghur ilidiki basturush heriketlirini adettin tashqiri rehimsizlik bilen dawamlashturidighanliqidin bisharet béridiken.

 

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar