Уйғур елидә йәнә бир уйғур яшқа өлүм җазаси берилди

Мушу айниң 23 - күни, аптонум районлуқ алий хәлқ сот мәһкимиси, 22 яшлиқ әхәт әзизгә қәстән адәм өлтүргән дигән җинайәт билән өлүм җазаси берип иҗра қилди. Бу мәзкүр делодин хәвәрдар болған чәтәлләрдики уйғурлар арисида күчлүк ғул -ғула қозғиди.

Уйғур аптунум районлуқ алий хәлқ сот мәһкимиси тәрипидин иҗра қилинған һөкүмниң кишиләр арисида күчлүк инкас пәйда қилишидики сәвәб, әхәт әзиз җинайәт садир қилип узун өтмәй, урүмчи шәһиридә мәрһум атағлиқ уйғур шаири абдукерим хоҗаюпниң нәвриси, үрүмчи шәһәрлик 20 - оттура мәктәпниң оқуғучиси әлишир, қизил байрақ базирида ашхана ачқан бир хитайниң балиси билән җидәлләшип қалған, ашханиниң игиси, балисиниң қолиға пичақни тутқузуп, әлиширни икки қоли билән чиң қучақливалған, шуниң билән хитай балиси кишиләрниң көз алдидила әлиширниң 20 йеригә пичақ тиққан .

Гәрчә яхши нийәтлик кишиләр әлиширни дәрһал дохтурханиға елип барған болсиму, дохтурхана пул тапшурушни биринчи шәрт қилғанлиқтин, 16 яшлиқ әлишир қансирап һаятидин айрилған.

Күзәткүчиләр, һөкүмәтниң охшаш харәктирлик җинайәткә пәриқлиқ позитсийә тутуп, хитайларни өлтүргән уйғур җинайәтчиниң өлүм җазаси билән дәрһал өлтүрүлгәнликини, бирақ уйғур балини өлтүргән җинайәтчиләрниң һазирға қәдәр җазаланмиғанлиқини тәкитлимәктә. (Әқидә)