Uyghur élide yene bir Uyghur yashqa ölüm jazasi bérildi


2004.09.28
Share on WhatsApp
Share on WhatsApp

Mushu ayning 23 - küni, aptonum rayonluq aliy xelq sot mehkimisi, 22 yashliq exet ezizge qesten adem öltürgen digen jinayet bilen ölüm jazasi bérip ijra qildi. Bu mezkür délodin xewerdar bolghan chet'ellerdiki Uyghurlar arisida küchlük ghul -ghula qozghidi.

Uyghur aptunum rayonluq aliy xelq sot mehkimisi teripidin ijra qilin'ghan hökümning kishiler arisida küchlük inkas peyda qilishidiki seweb, exet eziz jinayet sadir qilip uzun ötmey, urümchi shehiride merhum ataghliq Uyghur sha'iri abdukérim xojayupning newrisi, ürümchi sheherlik 20 - ottura mektepning oqughuchisi elishir, qizil bayraq bazirida ashxana achqan bir xitayning balisi bilen jidelleship qalghan, ashxanining igisi, balisining qoligha pichaqni tutquzup, elishirni ikki qoli bilen ching quchaqliwalghan, shuning bilen xitay balisi kishilerning köz aldidila elishirning 20 yérige pichaq tiqqan .

Gerche yaxshi niyetlik kishiler elishirni derhal doxturxanigha élip barghan bolsimu, doxturxana pul tapshurushni birinchi shert qilghanliqtin, 16 yashliq elishir qansirap hayatidin ayrilghan.

Küzetküchiler, hökümetning oxshash xarektirlik jinayetke periqliq pozitsiye tutup, xitaylarni öltürgen Uyghur jinayetchining ölüm jazasi bilen derhal öltürülgenlikini, biraq Uyghur balini öltürgen jinayetchilerning hazirgha qeder jazalanmighanliqini tekitlimekte. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet