Nurbekri emdila bashlan'ghuch mektepni püttürgen oqughuchilargha siyasiy terbiyini kücheytish heqqide söz qildi

Uyghur aptonom rayonluq partkomning mu'awin sékrétari nur bekri xitayning dölet bayrimi munasiwiti bilen sanjidiki tunggan ottura mektipide échilghan xitayche toluqsiz ottura siniplirini közdin köchürüp, bu siniplarda oquwatqan milliy oqughuchilargha siyasi - idiye terbiyisini kücheytish heqqide söz qildi.

Xitay hökümitige qarashliq tengritagh tor bétining xewiridin ashkarilinishiche, u sözide: " oqughuchilargha qaratqan siyasiy terbiyini bolupmu wetenperwerlik , milletler ittipaqliqi terbiyisini kücheytish, wetenning birlikini qoghdash we milliy bölgünchilikke qarshi turush idiyisini mustehkemlesh kérek" - dégen. Nur bekri bu sözlerni emdila ata- anisidin ayrilip,yataq turmushigha qedem qoyghan 13 yashlar etrapidiki ösmürlerge sözligen.

Xitay hökümiti bu yil 9 - aydin bashlap, Uyghur élidiki ürümchi qatarliq sekkiz sheherde alahide toluqsiz ottura siniplirini tesis qilip, namrat yéza qishlaqlardin kelgen mingdin artuq milliy déhqan charwichilarning balilirini pütünley xitay tilida terbiyilimekte idi.

Xitay hökümitining xitay ölkiliri we Uyghur élide mexsus xitayche toluq we toluqsiz ottura siniplirini tesis qilip, milliy oqughuchilarni pütünley xitay tilida terbiyilishi, Uyghurlarning küchlük naraziliqini qozghimaqta. (Arzu)

Munasiwetlik maqalilar Uyghur élidiki xitayche oqutulidighan milliy oqughuchilargha siyasiy idiyiwé terbiye kücheytilmekte