Уйғур аптоном районидин адәттики алий мәктәпләргә қобул қилинидиған оқуғучилар сани елан қилинди


2006-02-27
Share

Хитай маарип министирлиқи 2006 - йили уйғур аптоном райони бойичә адәттики алий мәктәпләргә қобул қилинидиған оқуғучилар санини 54200 дәп елан қилди.

" Шинҗаң гезити" ниң ашкарилишичә, мәзкур пилан бойичә 24 миң нәпәр оқуғучи мәхсус курс , 30 миң нәпәр оқуғучи алий техником курслириға қобул қилинидикән. Шуниң билән биргә асперантлиққа қобул қилинидиған оқуғучилар 2737 нәпәр, дәп елан қилинди.

Бу йилқи оқуғучи қобул қилишниң алаһидилики дөләт башқурушидики мәктәпләргә оқуғучи қобул қилиш қаттиқ башқурулиду. Әмма хәлқ игиликидики яки мустәқил мәшғулат елип баридиған иниститутларға кәңчилик қилиниши мүмкин. Әмма хитай маарип министирлиқи 54 миң оқуғучиниң қанчилики миллийларни асас қилидиғанлиқини тилға алмиған.

Көзәткүчиләрниң илгири сүрүшичә, уйғур аптоном районида миллий оқуғучиларниң алий мәктәп вә кәспий техникомларға кириш нисбити йилдин - йилға азаймақта. Хитай мәтбуатлириниң ашкарилишичә, өткән йили уйғур аптоном райониниң ичи вә сиртидики алий мәктәп вә кәспий техникомларға уйғур , қазақ, қирғиз қатарлиқ милләтләр болуп җәми 21 миң миллий оқуғучи қобул қилинған. Бу сан уйғур аптоном районидин алий мәктәп вә кәспий техникомларға қобул қилинған омуми оқуғучилар саниниң 30 % игә йәтмәйду.

Көзәткүчиләрниң әскәртишичә, уйғурларда алий мәктәпкә кириш нисбитиниң төвәнләп кетишидә, оқуғучилардики келәчәккә болған үмидсизлик вә кәмбәғәллик мәсилисиму рол ойнимақта икән. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт