Uyghur aptonom rayonidin adettiki aliy mekteplerge qobul qilinidighan oqughuchilar sani élan qilindi


2006.02.27
Share on WhatsApp
Share on WhatsApp

Xitay ma'arip ministirliqi 2006 - yili Uyghur aptonom rayoni boyiche adettiki aliy mekteplerge qobul qilinidighan oqughuchilar sanini 54200 dep élan qildi.

" Shinjang géziti" ning ashkarilishiche, mezkur pilan boyiche 24 ming neper oqughuchi mexsus kurs , 30 ming neper oqughuchi aliy téxnikom kurslirigha qobul qilinidiken. Shuning bilen birge aspérantliqqa qobul qilinidighan oqughuchilar 2737 neper, dep élan qilindi.

Bu yilqi oqughuchi qobul qilishning alahidiliki dölet bashqurushidiki mekteplerge oqughuchi qobul qilish qattiq bashqurulidu. Emma xelq igilikidiki yaki musteqil meshghulat élip baridighan inistitutlargha kengchilik qilinishi mümkin. Emma xitay ma'arip ministirliqi 54 ming oqughuchining qanchiliki milliylarni asas qilidighanliqini tilgha almighan.

Közetküchilerning ilgiri sürüshiche, Uyghur aptonom rayonida milliy oqughuchilarning aliy mektep we kespiy téxnikomlargha kirish nisbiti yildin - yilgha azaymaqta. Xitay metbu'atlirining ashkarilishiche, ötken yili Uyghur aptonom rayonining ichi we sirtidiki aliy mektep we kespiy téxnikomlargha Uyghur , qazaq, qirghiz qatarliq milletler bolup jem'i 21 ming milliy oqughuchi qobul qilin'ghan. Bu san Uyghur aptonom rayonidin aliy mektep we kespiy téxnikomlargha qobul qilin'ghan omumi oqughuchilar sanining 30 % ige yetmeydu.

Közetküchilerning eskertishiche, Uyghurlarda aliy mektepke kirish nisbitining töwenlep kétishide, oqughuchilardiki kélechekke bolghan ümidsizlik we kembeghellik mesilisimu rol oynimaqta iken. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet