Uyghur aptonom rayonida bu yilqi aliy mekteplerge oqughuchi qobul qilish pilani xitaylarni asas qilidu


2005.06.14
Share on WhatsApp
Share on WhatsApp

Uyghur aptonom rayonidiki oqughuchi qobul qilish ishliridin xewerdar erbablarning ashkarlishiche, Uyghur aptonom rayonining bu yilqi oqughuchi qobul qilish pilanida, ali mektep imtihani qatnashqan 80 ming xitay oqughuchilarning 60 mingi ali mektepke qobul qilinidiken. Bu, imtihan'gha qatnashqan xitay oqughuchilar sanining 4 den 3 qisimini igileydu. Emma bu yilqi imtihan'gha qatnashqan Uyghur, qazaq, qirghiz qatarliq 12 millet oqughuchilirining omumi sani 45 ming bolup, bularning aran 20 mingi ali mektepke kireleydiken. Bu san imtihan'gha qatnashqan yerlik millet oqughuchilar omumi sanining yérimige yetmeydu. Aptonom rayonluq oqughuchi qobul qilish ishxanisi, bu yil aptonom rayon boyiche 80 ming oqughuchining ali mektepke kiridighanliqini élan qildi.

Közetküchilerning tekitlishiche, yerlik millet oqughuchilirining ali mektepke kirish nisbitidiki aziyish kishini chöchütidiken.

Xitay hökümitining élan qilishiche, aptonom rayon nopusining 50 ٪ din köprekini yerlik milletler igilimekte. Emma yerlikler bu yil ali mektepke qobul qilinidighan 80 ming oqughuchining 4 den bir qisimini igiligen. Ma'arip da'irilirining bildürüshiche, 80 ming oqughuchining ichidiki 47 mingi aptonom rayondiki ali mekteplerge, 37 mingi ichkiridiki ali mekteplerge baridiken. Aptonom rayonluq oqughuchi qobul qilish ishxanisi, bu yil aptonom rayon boyiche jem'iy 128 ming oqughuchi imtihan'gha qatnashqanliqini élan qildi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.