خىتاي ھۆكۈمىتى شائىر نۇرمەمەت ياسىننى قولغا ئالغانلىقىنى ئېتىراپ قىلدى


2005-01-13
Share

قەشقەر شەھەرلىك جامائەت خەۋپسىزلىك ئىدارىسىنىڭ خادىمى پەيشەنبە كۈنى رادىئومىز مۇخبىرىنىڭ زىيارىتىنى قۇبۇل قىلىپ، يازغۇچى ۋە شائىر نۇرمەمەت ياسىننىڭ قولغا ئېلىنغانلىقىنى ئېتىراپ قىلدى.

بۇنىڭ ئالدىدا، گېرمانىيىدىكى شەرقىي تۈركىستان ئۇچۇر مەركىزى، قەشقەر مارالبېشىلىق نۇرمەمەت ياسىننىڭ قوش ئايلىق ژورنال "قەشقەر ئەدەبىياتى" نىڭ بەشىنچى سانىغا "كۆك كەپتەر" ناملىق ئەسەرنى ئېلان قىلغانلىقى سەۋەبىدىن قولغا ئېلىنغانلىقىنى بىلدۈرگەن ئىدى.

قەشقەر شەھەرلىك جامائەت خەۋپسىزلىك ئىدارىسى سىياسىي باشقارمىسىنىڭ مەزكۇر خادىمى، نۇرمەمەت ياسىننىڭ دىلوسىنىڭ نۆۋەتتە ئۇيغۇر ئاپتونۇم رايونلۇق ئالىي سوت مەھكىمىسىگە سۇنۇلغانلىقىنى، ئۆزىنىڭ بولسا مارالبېشى ناھىيىلىك ج خ ئىدارىسىنىڭ تۇتۇپ تۇرۇش ئورنىغا قامالغانلىقىنى بىلدۈردى.

مۇخبىرىمىزنىڭ ئىگىلىشىچە، خىتاي دائىرىلىرى " بۆلگۈنچىلىك" ئىدىيىنى تەرغىپ قىلغان دەپ قارىغان " كۆپ كەپتەر" ناملىق ئەسەرنىڭ قىسقىچە مەزمۇنى مۇنداق ئىكەن:

توزاققا چۈشۈپ، قەپەزگە سولانغان كۆك كەپتەر ئۆلۈپ كەتسىمۇ قۇللۇقتا ياشىماسلىق ئىرادىسىنى بىلدۈرۈش ئۈچۈن، تىلىنى چىشلەپ ئۈزۈۋاپتۇ. بېرىلگەن سۇنى ئىچمەي، داننى يىمەي، زەھەرلىك بۆلدۈرگەننى يەپ ئۆلىۋاپتۇ. ئۇنىڭ ئاتا- بوۋىلىرىمۇ مۇشۇنداق ئىرادە بىلەن تەغدىرگە قارشىلىق بىلدۈرگەن ئىكەن.

قەشقەردىكى ساقچى دائىرىلىرى ۋە مەدەنىيەت ئورگانلىرى، نۇرمەمەت تۇرسۇننىڭ " كۆك كەپتەر" ناملىق ئەسىرى بېسىلغان "قەشقەر ئەدەبىياتى" نىڭ 5 - سانىدىن ھازىرغىچە جەمئىي ئىككى مىڭ پارچىدىن ئارتۇق يىغىۋالغان. (ئارزۇ)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت