Xitay hökümiti sha'ir nurmemet yasinni qolgha alghanliqini étirap qildi


2005-01-13
Share

Qeshqer sheherlik jama'et xewpsizlik idarisining xadimi peyshenbe küni radi'omiz muxbirining ziyaritini qubul qilip, yazghuchi we sha'ir nurmemet yasinning qolgha élin'ghanliqini étirap qildi.

Buning aldida, gérmaniyidiki sherqiy türkistan uchur merkizi, qeshqer maralbéshiliq nurmemet yasinning qosh ayliq zhornal "qeshqer edebiyati" ning beshinchi sanigha "kök kepter" namliq eserni élan qilghanliqi sewebidin qolgha élin'ghanliqini bildürgen idi.

Qeshqer sheherlik jama'et xewpsizlik idarisi siyasiy bashqarmisining mezkur xadimi, nurmemet yasinning dilosining nöwette Uyghur aptonum rayonluq aliy sot mehkimisige sunulghanliqini, özining bolsa maralbéshi nahiyilik j x idarisining tutup turush ornigha qamalghanliqini bildürdi.

Muxbirimizning igilishiche, xitay da'iriliri " bölgünchilik" idiyini terghip qilghan dep qarighan " köp kepter" namliq eserning qisqiche mezmuni mundaq iken:

Tozaqqa chüshüp, qepezge solan'ghan kök kepter ölüp ketsimu qulluqta yashimasliq iradisini bildürüsh üchün, tilini chishlep üzüwaptu. Bérilgen suni ichmey, danni yimey, zeherlik böldürgenni yep öliwaptu. Uning ata- bowilirimu mushundaq irade bilen teghdirge qarshiliq bildürgen iken.

Qeshqerdiki saqchi da'iriliri we medeniyet organliri, nurmemet tursunning " kök kepter" namliq esiri bésilghan "qeshqer edebiyati" ning 5 - sanidin hazirghiche jem'iy ikki ming parchidin artuq yighiwalghan. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet