Uyghur balilirini xitay ölkilirige aldap aparghan bir guruppa kishiler tutuldi

2004-10-07
Élxet
Pikir
Share
Print

Mexsos Uyghur balilirini xitayning ichkiri ölkilirige aldap apirip, oghriliqqa salidighan bir guruppa kishiler yéqinda güyju ölkisining güyyang shehiride tutuldi.

Güyyang saqchi da'irilirining bildürishiche, ular yéqinda oghriliq qiliwatqan 13 yashlardiki bir Uyghur balini tutuwalghan bolup, kiyin éniqlash arqiliq, bu balining turghun niyaz isimlik bir kishi teripidin güyyanggha aldap élip kélinip oghriliqqa sélin'ghanliqi melum bolghan. Buning bilen turghun niyaz isimlik bu kishi bilen birlikte turiwatqan 17 kishi birla waqitta qolgha élin'ghan.

Xitay da'irilirining melumatlirigha qarighanda, tutulghanlarning sekkizi er, töti ayal yene beshi qoramigha yetmigen balilar bolup, bu balilarning hemmisi turghun niyaz teripidin güyyanggha aldap élip kilin'genler iken. Turghun niyaz bu balilargha her küni 300 yüenlik pul we mal oghrilashni wezipe qilghan iken.

Nöwette bu kishiler Uyghur aptunum rayunluq saqchi da'irilirige ötküzüp bérilgen. Güyyang saqchi da'iriliridin igilishimizche, Uyghur balilirini aldap apirip, oghriliqqa sélishtek jinayi qilmishlar xitayning her qaysi ölkiliride barghansiri köpeymekte. (Arzu)

Pikirler (0)
Share
Toluq bet