Хуалиң сода сарийиға от кәтти


2006.05.11
Share on WhatsApp
Share on WhatsApp

10‏- Май күни таң сәһәр үрүмчидики хуалиң алйомин материяллири сода базириға от кетип, 24 дукан көйүп кәткән.

Тәңритағ хәвәр ториниң мәлум қилишичә, 50 нәччә от өчүрүш машиниси 4 саәткә йеқин вақит сәрп қилип аран бу отни өчүргән. От апитин келип чиққан қоюқ ис-түтәкләр сәвәбидин, бу йәрдә олтуридиған нәччә миң аһалә тарқақлаштурушқа мәҗбур болған.

Хәвәрдә бу вәқәниң немә сәвәбтин келип чиққанлиқи тилға елинмиған. Лекин хуалиң сода сарийида тиҗарәт қилидиғанларниң көпинчиси хитайниң башқа өлкилиридин кәлгәнләр болғачқа, улар шу тиҗарәт орнида йетип қопидикән.

Үрүмчи шәһәрлик от өчүрүш идариси 20‏- април күни еғир от апити хәвпи сақланған орунлар қара тизимликини елан қилған. Лекин хуалиң сода базири бу тизимликтә йоқ иди. Әмма бу қара тизимликкә рабийә қадир сода сарийи киргүзүлгән болуп, нурғун уйғурлар үрүмчидә бундақ от апити хәвпи болған орунларниң аз әмәсликини, хитайниң бу тизимликкә рабийә қадир сода сарийини киргүзүшидә сиясий муддиа барлиқини көрсәтти. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.