18 Ming adem 5 yildin béri Uyghur élida qanunsiz haywan owlash jinayiti élip barghan

2004-11-30
Élxet
Pikir
Share
Print

Shinxu'a tor bétining xewiridin ashkarlinishiche, 18 ming adem 5 yildin béri, Uyghur élide yawayi haywanlarni qanunsiz owlash jinayiti ötküzgen. Xewerdin melum bolishiche, 5 yilgha yéqin waqit ichide qanunsiz haywan öltürüsh délosidin 331 qétim, haywan owlash délosidin 200 qétim, qanunsiz halda qimmetlik yawayi haywanlarni sétish délosidin 441 qétim sadir bolghan we altun - tagh, tengri - tagh we ili derya boyidiki rayonlarda yawayi haywanlarni owlash shaykisidin 9 i, owchilar uwisidin 12 i bayqalghan.

Uyghur aptonom rayonluq hökümitining haywanlarni qoghdash ishlirigha sel qarishi, köngül bölmesliki netijiside, xitay boyiche yawayi haywanlar türi eng köp jaylarning biri bolghan Uyghur élide yuqirida tekitlen'ginidek köp qétim haywan öltürüsh, owlash we sétish qilmishliri sadir bolghan.

Közetküchilerning ilgiri sürüshiche, Uyghur élidiki yawayi haywanlarni owlash qilmishliri, aqqunlarning köpiyip kétishi netijiside éghirlap ketken bolup, 50 - yillardin ilgiri yolwas, boz at qatarliq qimmetlik haywanlar bu zéminda xéli köp iken, haywanlarni qalaymiqan owlash netijiside yene Uyghur élining ékologiyilik tengpungliqimu éghir derijide buzulmaqta. (Eqide)

Pikirler (0)
Share
Toluq bet