Күйтундә бир тонна әтрапида өлүш сәвәби ениқ болмиған өй һайванлириниң гөши байқалди


2007-03-18
Share

Хәлқара учур ториниң уйғур елидин җүмә күни тарқатқан учуриға қариғанда, 3 - айниң 13 - күни күйтун шәһәрлик җамаәт хәвпсизлик тармақлири билән йәрлик сүпәт тәкшүрүшкә мәсул тармақлар бирликтә күйтүн шәһәрлик әхләтләрни биртәрәп қилиш орнида бир тонна әтрапида өлүш сәвәби ениқ болмиған өй һайванлириниң гөшини көйдүрүп бир тәрәп қилған.

Хәвәрдә чүшәндүрүлишичә, даириләр бу бир тонна өй һайванлириниң гөшини шу күни әттигәндә лю фамилилик бир кишиниң камаз машинисидин байқиған болуп, лю өлүш сәвәби ениқ болмиған җәмий төт ат, бир кала һәмдә йигирмә нәччә қойни гөш базириға апирип сетивәтмәкчи болған.

Гәрчә күйтүндики мунасивәтлик даириләр бир тонна әтрапидики гуманлиқ гөшни, мәлум бир хил кесәллик билән микропланған дәп көйдүрүп бир тәрәп қилған болсиму әмма бу өй һайванлириға қандақ кесәллик тәккәнликини мәхпи тутмақта икән.

Икки йил илгири уйғур елиниң или алтай қатарлиқ җайларниң яйлақлирида мал -чарвиларға еғиз туяқ яллуғи тарқалғанда, тәрәп җидди тәдбир қоллинип, чарвичиларни агаһландурмай әксичә йәнила мал-чарвиларда кесәллик тарқалғанлиқини мәхпи тутқанлиқи сәвәблик, нурғун мал-чарвиларда кәң көләмдә кесәллик тарқап чарвичилар һәмдә истималчиларға нурғун зиян елип кәлгән иди.

Еғиз туяқ яллуғи қой, кала, ат қатарлиқ мал чарвиларда көрүлидиған бир хил микроп болуп, адәттә дәрһал карантин қилиш һәмдә микропланған һайванларни көйдүрүш қатарлиқ усуллар билән кәң тарқилишниң алди елиниду. (Гүлчеһрә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт