Küytunde bir tonna etrapida ölüsh sewebi éniq bolmighan öy haywanlirining göshi bayqaldi


2007-03-18
Share

Xelq'ara uchur torining Uyghur élidin jüme küni tarqatqan uchurigha qarighanda, 3 - ayning 13 - küni küytun sheherlik jama'et xewpsizlik tarmaqliri bilen yerlik süpet tekshürüshke mes'ul tarmaqlar birlikte küytün sheherlik exletlerni birterep qilish ornida bir tonna etrapida ölüsh sewebi éniq bolmighan öy haywanlirining göshini köydürüp bir terep qilghan.

Xewerde chüshendürülishiche, da'iriler bu bir tonna öy haywanlirining göshini shu küni ettigende lyu famililik bir kishining kamaz mashinisidin bayqighan bolup, lyu ölüsh sewebi éniq bolmighan jem'iy töt at, bir kala hemde yigirme nechche qoyni gösh bazirigha apirip sétiwetmekchi bolghan.

Gerche küytündiki munasiwetlik da'iriler bir tonna etrapidiki gumanliq göshni, melum bir xil késellik bilen mikroplan'ghan dep köydürüp bir terep qilghan bolsimu emma bu öy haywanlirigha qandaq késellik tekkenlikini mexpi tutmaqta iken.

Ikki yil ilgiri Uyghur élining ili altay qatarliq jaylarning yaylaqlirida mal -charwilargha éghiz tuyaq yallughi tarqalghanda, terep jiddi tedbir qollinip, charwichilarni agahlandurmay eksiche yenila mal-charwilarda késellik tarqalghanliqini mexpi tutqanliqi seweblik, nurghun mal-charwilarda keng kölemde késellik tarqap charwichilar hemde istimalchilargha nurghun ziyan élip kelgen idi.

Éghiz tuyaq yallughi qoy, kala, at qatarliq mal charwilarda körülidighan bir xil mikrop bolup, adette derhal karantin qilish hemde mikroplan'ghan haywanlarni köydürüsh qatarliq usullar bilen keng tarqilishning aldi élinidu. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet